ރިވާކުރެވޭ ގޮތުގައި އައްޟައްޙާކު ބްނު މުޒާޙިމު (102ހ) ގެ އަރިހަށް ނަޞާރާއިންގެ މީހަކު ގޮސް އުޅުނެވެ.
ދެން އެއްދުވަހަކު އޭނާ
ބުނެފިއެވެ:
”އަހަރެންނަށް ތިބާ އެނގުނުފަހުން
އިސްލާމްދީން އަހަރެންނަށް ވަރަށް ކަމުދެއެވެ.“
ދެން އައްޟައްޙާކު ވިދާޅުވިއެވެ:
”އެހެންވީމާ އިސްލާމްވާންވީ
ނޫންހެއްޔެވެ؟“
އޭނާ ބުންޏެވެ:
”އަހަރެންނަށް އެކަން މަނާކުރަނީ
ބަނގުރަލަށް އަހަރެން ކުރާ ލޯތްބެއްގެ ސަބަބުންނެވެ.“
އެކަލޭގެފާނު ވިދާޅުވިއެވެ:
”އެހެންވިއްޔާ އިސްލާމްވެފައި ދެން
ބަނގުރާ ބޯށެވެ!“
ދެން އޭނާ އިސްލާމް ވެއްޖެއެވެ.
އެހިނދު އައްޟައްޙާކު ވިދާޅުވިއެވެ:
”މިހާރު ތިބާ ތިޔަ އިސްލާމްވީއެވެ.
ދެން ތިބާ ބަނގުރާ ބޮއެފިއްޔާ
އަހަރުމެން ތިބާގެ ގައިގައި ޙައްދުޖަހާނަމެވެ!
އަދި އިސްލާމްދީން ދޫކޮށް
ގޮސްފިނަމަ ތިބާ ޤަތުލުކޮށްލާނަމެވެ!“
ދެން އޭނާ ބަނގުރާ ބުއިން
ދޫކޮށްލާ، އަދި އިސްލާމްކަން ރިވެތިކުރިއެވެ.
📚 ޢުޔޫނުލް އަޚްބާރު، އަލްބަޞާއިރު ވައްޛަޚާއިރު 📚
