ނޭޕާލްގެ ރައުތަހާތުގައި ހިންދޫ ހަރުކަށި ބަޔަކު މުސްލިމުންނަށް ހަމަލާދީ ދެ މިސްކިތެއްގައި ހުޅުޖަހައިފި

ރައުތަހާތު، ނޭޕާލް – ނޭޕާލްގެ ރައުތަހާތު ޑިސްޓްރިކްޓްގެ ގޯރު ވޯޑް 5 ގައި، ހިންދޫ ހަރުކަށި ފިކުރުގެ (Hindutva) ބަޔަކު މުސްލިމުންނަށް އަމާޒުކޮށް ނުރައްކާތެރި ހަމަލާތަކެއް ދީފިއެވެ. މި ހަމަލާތަކުގައި ދެ މިސްކިތެއްގައި ހުޅުޖަހައި، ކީރިތި ޤުރުއާނުގެ މުޞްޙަފްތަކަކަށް އިހާނެތިކޮށް ހިތާފައިވާ ކަމަށް ރިޕޯޓުތައް ބުނެއެވެ.

މަންޒަރު ދުށް ފަރާތްތަކާ ހަވާލާދީ ބައިނަލްއަޤުވާމީ މީޑިއާތަކުން ބުނާ ގޮތުގައި، ހަރުކަށި ހިންދޫންގެ ބޮޑު ގްރޫޕަކުން އެ ސަރަހައްދަށް ވަދެގަނެ، ދެ މިސްކިތެއްގައި ވަނީ އަލިފާން ރޯކޮށްފައެވެ. މީގެ އިތުރުން:

•   އެއް މިސްކިތެއްގެ ތެރޭގައި ހުރި ކީރިތި ޤުރުއާނުގެ މުޞްޙަފްތަކުގައި ހުޅުޖަހައި އަންދާލާފައިވާ ކަމަށް ރިޕޯޓުތައް ބުނެއެވެ.
•  މުސްލިމުން ދިރިއުޅޭ އެތައް ގެއަކަށް ވަދެގަނެ، މުދަލަށާއި އިމާރާތްތަކަށް ބޮޑެތި ގެއްލުންތަކެއް ވަނީ ދީފައެވެ.
•  މި ހަމަލާތަކުގެ ސަބަބުން އެ ސަރަހައްދުގައި ދިރިއުޅޭ މުސްލިމުންގެ މެދުގައި ވަނީ ބޮޑު ބިރުވެރިކަމެއް އުފެދިފައެވެ.

މި ލާއިންސާނީ އަމަލާ ގުޅިގެން ސޯޝަލް މީޑިއާގައި ގިނަ ބަޔަކު ދަނީ ނުރުހުން ފާޅުކުރަމުންނެވެ. ދީނީ މުޤައްދަސް ތަންތަނަށާއި ފޮތްތަކަށް ހަމަލާދިނުމަކީ އެއްވެސް މުޖުތަމަޢަކުން ބަލައިގަންނާނެ ކަމެއް ނޫން ކަމަށާއި، ނޭޕާލް ސަރުކާރުން މިކަން ކުރި ފަރާތްތަކަށް ހައްގު އަދަބު ދޭންޖެހޭނެ ކަމަށް އާންމުން ދަނީ ގޮވާލަމުންނެވެ.

މިފަދަ ހަމަލާތަކަކީ ސަރަހައްދީ ފެންވަރުގައި ފެތުރެމުންދާ ހަރުކަށި ފިކުރުގެ ނަތީޖާ ކަމަށާއި، މުސްލިމުންގެ ރައްކާތެރިކަން ކަށަވަރުކުރުމަށް ބައިނަލްއަޤުވާމީ މުޖުތަމަޢުން ބާރުއަޅަން ޖެހޭ ކަމަށް ދީނީ ޢިލްމުވެރިން ފާހަގަކުރައްވައެވެ.

ރެފެރެންސް:-https://x.com/doamuslims/status/2026013761539088619?t=bk2th0eG1p3YGUA8R9p4XQ&s=19